زينوها و ادفنوها و الكفن ثوب الزفاف ..!!

[اسير الروح]

زينوها و إدفنوها والكفن ثوب الزفاف
غصب عنها زوجوها وسلموها للغريب؟؟
مجبره ماشاوروها قصدهم شرع العفاف
مادروا إن البنيه مغرمه وإلها حبيب!!!
جهزوها وهي تبكي وترتشف دمع إرتشاف
وخبروها إن موعدالفرح منها (قريب)
مالقت أحد"يفهمها وهمها ناظر وشاف"
إن حكت باللي سكنها مالقت لها مجيب"
وكانها هي وافقتهم جرعوها الزعاف
حالها من فعل أهلهاصار للسامع غريب

الحفل قرب وقامت ترتجف خوف إرتجاف!!!
كل يوم تقول باكر الفرج بإذن الرقيب
باكر يمكن يفهمون قصتي بآخر مطاف
جا باكر ثم عدا وجا بعد باكر{{عطيب}}
علقوا عقد الإناره وإحتشد فرد وآلاف
أيقنت إن الجرح جرحها ماله طبيب
إنها لازم تطيع أمرهم وترضى بحضن الجفاف
جو لها والدمع يغرق جفنها الحلو الرطيب
قالوا ياالله إلبسي ثوبك اللي للزفاف
كفنوها وفي نظرهم زوجوها للغريب
فرشوها الهم دايم والأسى لها لحاف


ياحسافه دخلوها والحشا يغلي لهيب
أحكموا قيد البنيه وإسجنوها بإلتفاف
ودعتهم وهي تقول حسبي الله [[الحسيب]]
رحلتي ماهيب طويله ورجعتي بعدالقطاف!!
سافرت عن دار أهلها وقلبهاخطر [وصويب]
سافرت مع منهو خطفها من أمانيها الضعاف
خايفه مستوحشه والعرق منها :صبيب:
قلبها ينبض بذكرى ماضيه فيها إختلاف
حاولت ترضى بقدرها وللحدث هي تستجيب ...
بس عيت تقتنع وعشقها ذاك
<<الضفاف>>
هو سألها جاوبيني ليه دمعاتك (سريب)
ليه لي ماتنظرين وأنازوجك شخص بإذن الكريم لك واف
قالت بنبره خجوله أنا في وضع "رهيب"
غصب عني زوجوني وإطعنوني بالرهاف
هو سكت لحظة تأمل وش أسوي يامجيب
عقله وقلبه نطقها صاحب النخوه يعاف
قال منهو غير حبي يسكن بقلبك نجيب
من تولى عرش قلبك إهتني به ياعفاف
باكر الرجعه تراها وإمسحي الدمع العجيب
خايف إني أمسكك وأقترف ذنب إقتراف
إضحكت ضحكه وقالت مابعد هالطيب طيب


الله يجاإرجعت وقالت رجعت ياأهل الشرع
[[الغريب]]
بنتكم جتكم ولكن من بعد ذل وحساف
وإبعثت مرسول عاجل أنا جيتك ياالحبيب
النذر اللي نذرته صار وافي يامناف
إجلست يوم وتأخر لارساله و (لامجيب)
وعقلها يمه تشتت وبدت بالغيبه تخاف
مرها طفل صغير وإسألت عن الصحيب
قال يووووه جيتي متأخره
مات ليلة زفافك وإندفن بعدالزفاف
ناحت بحسره وطالت الليالي والنحيب
وودعت قبل اللقاء حلمها الزاهي وطاف
إقتلوها مرتين وشابت ماقبل المشيب
و ذاب "قلب" قد تعلق والبصر جاه الكفاف