طبعك شمس

[المقاتل النبيل]

شسولف وانتَ يمي
وآنــا حآير بيك .
بعد خليني أحيـر وياك خليني ..

خليني اعترفلك
وال ـيحب مجبور
اضيعـن بيك اريد ولا تدليني ..

شـفتك بالگلّب
ما شفتك آنه بعين
لأن طبعك شمس ما تحملك عيني ..

مآ تگدر تعوفك
موتتني الروح
واذا اردهـا على دربك هم تمشيني ..

تسودن كلشي بيه
وظلّ يسولف بيك
وآنـا وياك اظل عاشگ سواديني ..

مدري شلون اشوف
وانتَ جوه الروح
واگل لروحي يمك خل توديني ..

نص دين البشر
لو رادوا يكملـون
وآنــه الكملـت ويآك كـل ديني ..

تداوي الروح بيدك
بيدي أمرض الروح
حتى النوب ترجع هم تداويني ..

يم العين اشوفك
وانت ما موجود
احسك تمشي دم بنص شراييني ..

واشوف انتَ آنا
وآنا انتَ تصير
واذا اشتاگ الك اصفـن وأحاجيني ..

[محمد ال ناجي]

جميل هذا النص ولو تكتب منقول ايصير اجمل

[كأس الدموع]

تسلم وردة على النقل الجميل

[nona_alrassam]

عاااشت ايديك اليمنة واليسرة
ودومك مبدع
تحياتي الك الحارة والباردة