أفرح يالمحب... بمناسبة ولادة الامام زين العابدين عليه السلام

[اسير الحب]

أفرح يالمحب أفرح يمولانة
أمتنة بعلي السجاد فرحانة
كل عترة محمد حاضرة ويانة

اسمع صوت باسم خادم المنبر
يرويلك رواية وجابر المصدر
هذا اليوم اشرف حدث يتقرر
والكون بعلي السجاد يتنور
لا تسألني منهو بهل حفل يحضر
حضرت فاطمة وجدة النبي وحيدر
هالاشعار تعجز توصف المنظر
وحروفي القوافي كلهة خجلانة

بمواج العواطف غركت الافكار
خجلانة القوافي وعجزت الاشعار
لتلوم الفكر لو شفتة ظل محتار
جن عيني تشوف بعالم الاسرار
بالمجلس ويانة حاضر المختار
وجالس عن يمينة المرتضى الكرار
جلست عن يسارة جدت الاطهار
بنته الزهرة بالالطاف ترعانة

أسمع يالمحب من كبل ما تسأل
حتة الحسن هم حاضر بهل محفل
جن عيني لبو السجاد تتمثل
حاضر حفلة ابنة وجهة يتبهلل
حفلتنة زهية بعترة المرسل
جنهة شموس تزهي وعيني تتأمل
هالعترة مدحة المصحف المنزل
ذاكرهه الأله بسور قرآنة

هذا مولد السجاد ننتظرة
يالمؤمن وانتة بواجبك أدرة
شارك بالفرح هادينة والعترة
أولهة المحمد قدم البشرة
للكرار بعدة وجه النظرة
كلة شيعتك هالليلة مبتشرة
قدمهة التهاني الفاطمة الزهرة
كلهة الشيعة كلهة اليوم نشوانة

هاي الفرحة شملت مجمل الأمة
كلهة بمولد السجاد مبتسمة
قدمنة التهاني للحسن عمة
وعقدنة المحافل بسم ابو اليمة
هالليلة والادة سادس العصمة
قلب حسين ابوه أنزال كل همة
كالوا شسمة جاوبهم علي أسمة
علي السجاد أسمة وهذا عنوانة

أرويلك رواية والخبر مسنود
بكتاب البحار تشاهدة موجود
كال حسين لو عندي الف مولود
كلهم أسميهم علي بأسم العود
هذا الاسم خصة الخالق المعبود
وبؤج المعالي هل الاسم مشهود
جفك ياعلي السجاد بحر الجود
يلاسمك علي وهلأسم بدمانة

أسمك يا علي بلسم يداوينة
نهتف يا علي الأخر نفس بينة
جدك علي اناصر دين هادينة
وأنتة وارث اسمة وكل مضامينة
فضلك يا علي السجاد يكفينة
يا عابد الكل عابد يظل زينة
نختمه بدعاء ونرفع أيدينه
يرزقنة شفاعة علي و أحسانه

[ابو مرتضى الحسيني]

[انثى الحب]

[وادي الذئاب]

[أميرة الورد]

[المحتار]

سلمت يداك وجعلها الله موفقيه لك

[اسد العراق]

شكراا على الموضوع الجميل

[مجنون بحبك]

بارك الله فيك وجعله في ميزان حسناتك

[اسد العراق]

شكرا ياغالي على الافراح